Presidenti i Ukrainës Volodymyr Zelensky i konsideron të dhimbshme sulmet e njëpasnjëshme që ushtria ruse po i bën rajonit të Dombasit në Ukrainë. Sipas mediave të huaja, lideri është shprehurgjithashtu se luftimet nuk janë të lehta për trupat ukrainase.
Duke trajtuar situatën në vijën e frontit në fjalimin e tij të së hënës mbrëma, ai tha se duhet të mbledhin forcat dhe të përqendrohen.
‘Vija e parë. Bakhmut, Kreminna dhe zona të tjera në Donbas, të cilat tani kërkojnë forcë dhe përqendrim maksimal. Situata atje është e vështirë, akute. Pushtuesit po përdorin të gjitha burimet në dispozicion të tyre – dhe këto janë burime të rëndësishme – për të shtrydhur së paku një përparim’, u shpreh Zelenskyy.
Guvernatori rajonal i Donetskut Pavlo Kyrylenko tha të hënën se më shumë se 60% e infrastrukturës në qytetin Bakhmut , i cili ka qenë vendi i luftimeve intensive, është shkatërruar pjesërisht ose plotësisht. Ai shtoi se, Rusia po bombardon vazhdimisht infrastrukturën e Bakhmutit. Armiku po vazhdon taktikat e tokës së djegur.
Discussion about this post