Në një konferencë për mediat, ish kryeministri Sali Berisha ka reaguar për sulmin që iu bë në nisje të protestës, ku një person i identifikuar si Gert Shehu e qëlloi me grusht në fytyrë.
Berisha tha se agresori i tij, 31-vjeçari që e sulmoi është një agjent i policisë kriminale, i përdorur nga qeveria dhe këtë sipas tij e tregon fakti se policia e kishte gati dokumentin për mediat.
“Siç u pa ishte një akt agresiv kriminal i një personi që plotëson çdo kusht për të qenë i përdorur por ajo që është më flagrante është personi është agjent i policisë kriminale. Fakti që zyra e Fugës e kishte gati shkresën për tua dhënë gazetarëve, ju e dini që në raste të tilla këto persona përdoren se njerëzit normalë nuk pranojnë. Edi Rama duke dashur të paraqesë veten, tregoi se është 100% me duar brenda. Këtu thuhet, vërtetim mjekësor për tu përdorur kudo që t’i nevojitet, po ky vërtetim mjekësor nuk ka asnjë datë. Ai që e lexon këtë thotë se ky mund të jetë i vitit 2018 pasi thotë u paraqit në klinikën tonë në janar të këtij viti, por shumë i çuditshëm vërtetimi se thotë që episodi i fundit i 10 gushtit 2022, u rekomandua të dërgohet në urgjencën psikiatrike ku mori ndihmën e parë dhe u kthye në shtëpi. Ju e kuptoni që kjo nuk dëshmon asgjë përveç faktit se qeveria e kishte bërë gati për të justifikuar aktin kriminal të një agjenti të policisë kriminale të zgjedhur nga Çuçi i familjes me porosi të Edi Ramës”, tha Berisha.
Discussion about this post