Shefi i Organizimit në PD, Klevis Balliu ka reaguar për herë të parë, pas dhunëns së ushtruar ndaj tij nga disa policë, gjatë protestës së zhvilluar ditën e sotme para Bashkisë Tiranë, ku kërkohet dorëheqja e kryebashkiakut Erion Veliaj.
Në postimin e tij në Facebook, Balliu thekson se ‘egërsia e pushtetit te korruptuar, vetëm motivon’ dhe se opozita përballjen nuk e ka me policinë por me pushtetarët që urdhërojnë policinë dhe ata do të mbajnë përgjegjësi.
‘Por sot, si duket pushteti kishte vendosur aty besnikët e vet, disa të veshur me uniformën e policisë por që në shpirt kanë uniforma SkyEcc. Tani kjo ishte ajo çka pushteti bëri dhe patjetër që ata do të mbajnë përgjegjësi. Të mërkurën në një përballje tjetër për t’i kthyer bashkinë qytetit tonë, Tiranës tonë’, shkruan Balliu.
Postimi i plotë:
Egërsia e pushtetit te korruptuar, vetëm motivon pasi përshkruan dëshpërimin e tyre, metrat e tyre të fundit.
Gjithmonë, jam kujdesur që përballja me policinë te jetë minimale.
Pasi ne nuk e kemi problemin me policinë por me pushtetarët që urdhërojnë policinë.
Por sot, si duket pushteti kishte vendosur aty besniket e vet, disa te veshur me uniformën e policisë por që në shpirt kanë uniforma SkyEcc.
Tani kjo ishte ajo çka pushteti bëri dhe patjetër që ata do të mbajnë përgjegjësi.
Të mërkurën në një përballje tjetër për t’i kthyer bashkinë qytetit tonë, Tiranës tonë.
Dhe të degdisim zdromsin e bashkisë në kazanin e plehrave të historisë, në faqet e turpit të historisë.
Erion merri ato te çeliktat dhe dil te mërkurën në bashki te shohësh se si shkrin çeliku përballë popullit”
Discussion about this post