“E di kush e thur këtë intrigë”/ Meta flet për dosjen: Autoriteti të përballet me ligjin për shkeljet

Gjatë bashkëbisedimit me gazetarët kreu i PL, Ilir Meta, u pyet sërish në lidhje me dokumentet e publikuara nga Autoriteti i Dosjeve, ku në një prej tyre thoshte se personi me iniciale I.M ka kryer funksione për SHISH gjatë kohës që jetonte në konvikt. I prerë Meta tha se ai nuk ka jetuar kurrë në Konvikt. E teksa tha se e di shumë mirë që këto intriga i thur Rama për të penguar avancimin e tij në opozitë, Meta u shpreh se Autortieti i Dosjeve mund t’i publikojë të gjitha dokumentet, por duhet të mbajë përgjegjësi. Ndërsa theksoi se ai do të ngrejë një padi ndaj Autoritetit, me të cilën po merret një grup i posaçëm, pasi ai personalisht nuk do të shpenzojë kohën për të tilla lojëra mizore.

“Jam i sigurtë që qëndrimi edhe i deputetëve të Partisë së Lirisë do të jetë transparencë e plotë për cilindo që ka qenë bashkëpunëtor i Sigurimit të Shtetit i favorizuar apo gjithçka tjetër. Absolutisht Partia e Lirisë është në krye të betejës për të shembur këtë sistem të kalbur të shantazhit që nuk bëhet, por bëhet me metoda banale, sigurimsash për të tërhequr vëmendjen nga vjedhjet që iu bëhen popullit dhe për të mbajtur në shantazh politikanë, gazetarët etj. Eshtë një përgjegjësi e madhe, e Autoritetit që po përmenden emra në publik. Emra të cilët dikur kanë qene 19 vjeç e sot i kanë fëmijët 20 vjeç. Se Autoriteti i Dosjeve është institucion që duhet të kujdeset në mënyrën më të përgjegjshme që të mos ri lëndohen viktimat e asaj periudhe. Autoriteti e di se Ilir Rexhep Metaj nuk ka qene bashkëpunëtor i shtetit, se ka qenë i konfirmuar që në kohën e të madhërishmit Berisha. Ato e dinë shumë mirë se kush ka qenë bashkëpunëtori se ajo ndodhet në dy dosjet. Ashtu sikurse  e dinë se Meta nuk ka jetuar në konvikt e nuk ka pasur mundësi që të spiunojë, unë që 1 vjeç kam ardhur në Tiranë, kam bërë çerdhen te Pazari i Ri. Nuk kam jetuar në asnjë kohë në konvikt. Personi ne fjalë, këtë çështje nuk e ka diskutuar asnjëherë, se Meta nuk kishte në plan të arratisej në atë kohë se kishte në plan të dilte me të gjitha 10-ta e të dilte pedagog. Do të përmbajnë dhe përgjegjësi individuale”, u shpreh Meta, duke thënë edhe njëherë që secili do të mbaj përgjegjësi për këto akuza të bëra ndaj tij.