E teksa rrugët e Tiranës ishin të boshatisur, që në orët e para të mëngjesit të kësaj të diele, radhë kilometrike automjetesh janë regjistruar në autostradë, kryesisht në kthesën e Maminasit pasi një pjesë e pushuesve zgjedhin të bëjnë plazh në Gjirin e Lalëzit.
Situata më problematike paraqitet në aksin nga Miloti në drejtim të Lezhës, ku nga fluksi i lartë i automjeteve në disa raste është krijuar dhe bllokim total i qarkullimit.
Ndërkohë për të ndihmuar sadopak në lehtësimin e lëvizjes në pika te ndryshme janë vendosur efektiv të policisë rrugore.
Pothuajse çdo fundjavë, është e njëjta situatë në rrugët që të çojnë në plazhet e vendit.
Këto ditë të nxehta me temperatura të larta bëjnë që ditët e pushimit të kalohen duke marrë rreze në bregdet.
Discussion about this post