Qendra e djathtë e kryesuar nga kandidatja Giorgia Meloni sipas projeksioneve është shpallur fituese e zgjedhjeve në Itali.
Deri më tani bazuar në exit-pollet paraprake ky koalicion është në avantazh të dukshëm me 41-45% të votave.
Ndërkohë ka ardhur dhe reagimi i parë nga Forza Italia, partia e tretë në koalicion.
Antonio Tajani, koordinator kombëtar i Forza Italia, partisë së ish-kryeministrit Silvio Berlusconi, shkruan në rrjete sociale se forca politike që ai përfaqëson do të jetë përcaktuese për fitoren dhe formimin e qeverisë
“Forza Italia është vendimtare për fitoren e qendrës së djathtë dhe do të jetë vendimtare për formimin e qeverisë së re. Me numra dhe përmbajtje”, shkroi Tajani.
Discussion about this post