Një nga emrat më të përfolur për të marrë drejtimin e Brazilit pas largimit të Tites është Karlo Ançeloti. Italiani shihet si një nga figurat e duhura për t’i kthyer lavdinë 5 herë kampionëve të botës.
Por federata e Brazilit nuk do ta ketë të lehtë të marrë shërbimet e italianit. Kjo pasi Reali i Madridit nuk dëshiron të heqë dorë prej tij.
Ndërkohë, sipas gazetës italiane “Corriere dello Sport”, Ançeloti nuk ia ka mbyllur derën Brazilit, por i ka bërë të qartë federatës së këtij vendi se është i gatshëm duke nisur nga qershori 2024- ës.
Ndërkaq, edhe nga Brazili ka pasur reagime në lidhje me trajnerin e ri. Presidenti i federatës braziliane, Egnaldo Rodrigez, ka deklaruar se gjithçka flitet tani janë thashetheme. “Trajnerin e ri do ta vendos unë”, ka thënë ai.
Discussion about this post