Fatime Kryemadhi, nëna e Monika Kryemadhit është pyetur për katër orë në Strukturën e Posaçme, SPAK. Në një prononcim për gazetarët pas daljes nga prokuroria, Kryemadhi tha se është paraqitur në SPAK për të dëshmuar mbi pasurinë e saj, një banesë.
Fatime Kryemadhi tha se pyetjet rreth tyre kanë nisur që prej se vajza e saj “nisi të merrej me djegësat”.
“Sqarova. Jam krenare për vajzën që kam. S’e mohoj edhe sikur pale se si. E di, pse është kjo puna e gjitha. Qëkur filloi të merrej me djegësat ajo…U thirra për çështjen e blerjes së shtëpisë. Me shtëpinë që kam. Unë s’kam qene pa punë. Se këta e kanë nxjerrë sikur me një pension 160 mijë, paskam blerë shtëpi unë”, tha Fatime Kryemadhi.
Kryemadhi la po ashtu të kuptuar se mund t’i jetë sekuestruar edhe celulari në kuadër të hetimeve.
“Po ça ka celulari, ka ndonjë gjë të veçantë, as kam bërë tendera, asgjë”, tha ajo në përgjigje të interesit të gazetarëve nëse i është sekuestruar celulari.
Discussion about this post