Një 37-vjeçar, banues në Koçan shtirej si hoxhë dhe shfrytëzonte personat që shkonin tek ai për të shmangur magjinë. Mësohet se 37-vjeçari në dy raste më 23 dhe 24 nëntor në një banesë në Gostivar, ka kryer akt seksual ndaj një fëmije të lindur në vitin 2012. Ka qenë nëna e të miturës që kërkuar nga i dyshuari të “shërojë” fëmijën nga magjia, teksa “hoxha” ka kërkuar kërkuar të lihet vetëm me fëmijën në dhomë dhe ka abuzuar seksualisht me të. Fëmija nuk e ka rrëfyer ngjarjen e rëndë, pasi ndihej e frikësuar, por kur e ëma ka kërkuar që “hoxha” të zhbëjë magjinë ndaj saj për herë të tretë, vajza e ndjerë në rrezik ka rrëfyer gjithçka. E ëma e vajzës ka denoncuar rastin në polici.
Prokuroria Themelore Publike në Gostivar ka lëshuar urdhër për procedurë hetimore ndaj “hoxhës”, për vepër penale “sulm seksual ndaj fëmijës nën moshën 14 vjeçare”, ndërsa ndaj tij dhe ndaj dy të dyshuarve të tjerë si bashkëpunëtorë ka nisur procedura për veprën penale “mashtrim”.
Por ky nuk është rasti i parë i abuzimeve të kryera nga i dyshuari, pasi Prokuroria informon se ai sëbashku me dy bashkëpunëtorët e tij kanë mashtruar një tjetër shtetase.
“I dyshuari i parë, në marrëveshje me dy të tjerët, i është prezantuar të dëmtuarës si hoxhë i cili do ta ndihmojë në largimin e magjisë së zeza nga shtëpia e saj. Në disa raste, të tre e bindën atë se për të hequr magjitë, duhej të nxirrnin objekte të ndryshme nga varrezat dhe kështu të nxirrnin magjitë nga ajo dhe shtëpia e saj. Për shërbimin i kanë kërkuar gjithsej 98.000 denarë. Kur ata filluan të bien dakord për një takim të ri, e dëmtuara dyshoi se ajo ishte mashtruar dhe rastin e denoncoi në polici”, raporton Prokuroria.
Për të dyshuarin e parë “hoxhën”, Prokuroria Themelore Publike-Gostivar, gjyqtarit të procedurës paraprake i ka dorëzuar propozim për caktimin e paraburgimit, ndërsa për dy propozim për caktimin e paraburgimit, ndërsa për dy të dyshuarit e tjerë janë propozuar masa të kujdesit.
Discussion about this post