Një ngjarje e frikshme ka ndodhur në rrugën e Arbrit ku një gur është shkëputur duke goditur një makinën. Gjithashtu rrëshkitja e gurëve ka rrezikuar rrezikuar jetën e disa personave që udhëtonin me një fuoristradë.
Sipas policisë, ngjarja ka ndodhur në afërsi të Shkallës së Tujanit. Po ashtu në vendngjarje ka shkuar policia dhe ambulanca, të cilët u kanë dhënë ndihmë duke i dërguar drejt spitalit Nënë Tereza.
Rikujtojmë se rruga e Arbërit vijon të jet në konstruksion e sipër pavarësisht se duhet të kishin përfunduar shumë vite më pare, konkretisht në 2022.
Për sa i përket financimit ky rrugë është dhënë me koncesion dhe qytetarët shqiptarë kanë nisur ta paguajnë që në vitin 2019, pavarësisht se siguria dhe rruga është ende në kushtet minimale. Shpesh herë është bërë për burim aksidenti me pasoja fatale por dhe si në rastin e sotëm kur rruga bllokohet për orë të tëra nga rrëshkitja e dherave.
Rruga e Arbrit ka kaluar një histori të komplikuar kostosh dhe procedurash, nga planet fillestare për ndërtimin e saj me 70 milionë euro, deri në ditët e sotme ku fatura pritet të arrijë mbi 350 milionë euro.
Qeveria e mori në dorëzim rrugën në nëntor të vitit 2021, edhe pse punimet nuk kishin përfunduar në një pjesë të madhe të segmentëve. Afati i kohëzgjatjes së ekzekutimit të kontratës është 13 vjet, ndërkohë që punimet nisën më 2019. Këtë vit mbushen 6 vjet nga hyrja në fuqi e kontratës.
Discussion about this post