Norvegjia po përballet me një situatë të paqëndrueshme meteorologjike. Shirat e dendur dhe era e fortë kanë çarë një digë duke krijuar kështu përmbytje në vend. si pasojë e stuhisë Hans që ka shkaktuar kaos në të gjithë Evropën Veriore, vendi po përballet me një mot të keq dhe rritje të nivelit të lumenjve.
Në rrugët kryesore u ndalua qarkullimi dhe shërbimet e trenave u pezulluan në pjesë të mëdha të shtetit norvegjez pasi lumenjtë dolën nga brigjet e tyre. Banesat e qytetarëve shihen duke notuar si kuti shkrepësesh për shkak të përmbytjeve.
Instituti i hidrologjisë, bëri me dije se në Norvegjinë lindore dhe qendrore është ngritur alarmi i kuq, pasi shumë lumenj po arrijnë prurje në nivele rekord, teksa një numër njerëzish ishin të izoluar nga përmbytjet dhe se shërbimet e urgjencës mund të mos jenë në gjendje të arrijnë menjëherë të gjithë në nevojë.
Zona është më e goditura nga përmbytjet dhe rrëshqitjet e dheut, teksa për shkak të motit të keq ka pasur probleme në qarkullim në 150 rrugë. Më shumë se 600 njerëz janë evakuuar në rajonin në veri të kryeqytetit Oslo.
Discussion about this post