E fshehur mes bananeve, kapen 6.5 tonë kokainë

Bosi i rrjetit kriminal konsiderohet të jetë një nga trafikantët më të mëdhenj të drogës në Spanjë.

Më shumë se gjashtë tonë kokainë janë gjetur të fshehura mes bananeve në Spanjë dhe Kolumbi, sipas Europol.

Operacioni I policive europiane goditi një nga bosët më të mëdhenj të narko-trafikut në Spanjë, duke kapur rreth 223 milionë euro drogë.

Europol mbështeti hetimin e policisë spanjolle, kolumbiane dhe letoneze për një rrjet kriminal të përfshirë në transportin e kokainës nga Amerika e Jugut në Evropë.

Trembëdhjetë persona u arrestuan dhe tetë lokacione u kontrolluan në qytetet spanjolle të Cádiz dhe Malaga gjatë operacionit, i cili çoi në sekuestrimin e 6.5 ton kokainë, ora luksoze dhe 1.5 milion euro cash.

Me kokainë që zakonisht shitet në rrugë në një ose gjysmë gram, sasia e sekuestruar është e barabartë me të paktën 6.5 milionë porcione individuale.