E ftuar nga Rama për pushime, Meloni të hënën në Vlorë

Kryeministrja italiane Giorgia Meloni pritet të kalojë disa ditë pushime në bregdetin shqiptar në jug të vendit.

Sipas raportimeve, Meloni, bashkë me familjen e saj, pritet të jetë të hënën në Vlorë, në një vizitë private.

Pritet që Meloni të kalojë disa ditë pushime me familjen e Kryeministrit Edi Rama, në jug të vendit.

Ishte Kryeministri Edi Rama që në një nga intervistat për mediat italiane tha se kishte ftuar Melonin, bashkë me familjen e saj, që të kalonte disa ditë pushime në Shqipëri. Rama tha se ftesa ishte pranuar me kënaqësi, por nuk dha më shumë detaje lidhur me ardhjen e Kryeministres italiane.

Rama ka shfaqur një simpati të theksuar për Melonin, duke mos kursyer elozhet në deklarata publike apo me gjeste, si momenti i përqafimit gjatë një samiti.