E rëndë në Durrës/ 25-vjeçarja hidhet nga ballkoni i shtëpisë dhe vdes në vend

Një ngjarje e rëndë është shënuar mëngjesin e sotëm në Durrës. Burime nga policia bëjnë me dije se një vajzë është hedhur nga ballkoni i banesës e për pasojë ka humbur jetën.

Të njëjtat burime gjithashtu bëjnë me dije se ngjarja ka ndodhur rreth orës 08:15, në lagjen nr.1., në Durrës.

Ndërsa viktima është identifikuar me iniciale I.V., 25- vjeçe. Nuk dihen ende shkaqet e ngjarjes, ndërsa policia pritet të marrë në pyetje dëshmitarët okularë dhe familjarët e vajzës që i dha fund jetës.

Pritet gjithashtu edhe ekspertiza mjekoligjore për të zbuluar nëse e reja vuante nga probleme të shëndetit mendor.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.