E rëndë në Tiranë/ 25-vjeçarja rrezikon të mbytet në pishinë, ja çfarë ndodhi

Një 25- vjeçare është rrezikuar të mbytet në një pishinë në Tiranë.

Policia fillimisht është njoftuar se e reja ishte mbytur në ambientet e pishinës në një lokal në Linzë, por pasi kanë mbërritur në vendin e ngjarjes kanë vepruar duke shpëtuar jetën e 25- vjeçares.

Vajza është identifikuar me iniciale E. T., 25 vjeçe, në gjendje të rëndë dhe ishte e shoqëruar nga personi i identifikuar me iniciale O. M., 32 vjeç.

E. T., pasi ka marrë ndihmën e parë mjekësore nga stafi i ambulancës, është transportuar në spital dhe ndodhet nën kujdesin e mjekëve.

Pritet të merret në pyetje edhe personi që e shoqëronte për të mësuar rrethanat e ngjarjes.

Gjithashtu, grupi hetimor po punon për sqarimin e rrethanave të ngjarjes.