Katër të mitur kanë rrezikuar të mbyten pasditen e sotme në Vilë Boshtovë. Burime nga policia bëjnë me dije se të miturit ishin përkatësisht të moshave 11, 12 dhe dy nga 13 vjeç të cilët duke notuar kanë rrezikuar të mbyten.
Stafi i urgjencës mjekësore të Kavajës i ka transportuar 4 të miturit në spitalin e Durrësit, dhe ndodhen nën kujdesin e mjekëve, jashtë rrezikut për jetën.
Mungesa e rojeve bregdetare është një nga problemet të cilën pushuesit kanë vënë në dukje këtë fillim sezoni. Për pasojë shumë persona rrezikojnë të mbyten.
Grupi hetimor po punon për sqarimin e rrethanave të ngjarjes.
Discussion about this post