Një vrasje për motive të dobëta është shënuar paraditen e kësaj të hënë në Tiranë, ku 51-vjeçari me iniciale A.M, ka masakruar me grushte fqinjin e tij, 56-vjeçarin N.S.
Mësohet se viktima është goditur deri në vdekje nga fqinji i tij, i cili duke i goditur pjesën e qafës i ka shkaktuar dëmtime në laring, gjë që i ka sjellë vdekjen 56-vjeçarit.
Blutë e Tiranës në rindërtimin e ngjarjes së rëndë bëjnë me dije se 56-vjeçari ka humbur jetën në banesë, si pasojë e plagëve të marra.
“Plagosi rëndë një shtetas, i cili si pasojë humbi jetën, vihet në pranga 51-vjeçari.
Shërbimet e Komisariatit të Policisë Nr. 2 ndaluan me iniciativë shtetasin A. M., 51 vjeç, banues në Tiranë, për veprën penale “Plagosja e rëndë me dashje”, me pasojë vdekjen.
Ky shtetas, gjatë një konflikti për motive të dobëta, ka goditur me grushte në pjesën e qafës, duke i shkaktuar dëmtime në laring, fqinjin e tij, shtetasin N. S., 56 vjeç, banues në Tiranë, i cili si pasojë e plagëve të marra, ka ndërruar jetë në banesë.”-njofton policia.
Discussion about this post