Aksident i rëndë në aksin Fier-Patos, plagoset shoferi i “BMW-së”

Një aksident i rëndë është shënuar ditën e sotme në Fier. Burime nga policia bëjnë me dije se ngjarja ka ndodhur rreth orës 12:45, në Portëz.

Shoferi i identifikuar me iniciale N. Y., duke drejtuar automjetin tip kamion është përplasur me automjetin tip “BMW” që drejtohej nga shoferi me iniciale I. M., 27 vjeç, banues në Drizë.

Ky i fundit, si pasojë e përplasjes është dëmtuar dhe po merr mjekim në spital.

Paraprakisht dyshohet që shkak të jetë bërë shpejtësia përtej normave të lejuara dhe mosrespektimi i sinjalistikave rrugore.

Grupi hetimor po punon për zbardhjen e shkaqeve të aksidentit.