Një aksident i rëndë është shënuar pasditen e sotme në Korçë. Burime nga policia bëjnë me dije se ngjarja ka ndodhur rreth orës 18:30, në rrugën “Teli Samsuri”.
Të njëjtat burime gjithashtu bëjnë me dije se një makinë tip “Benz”, ka përplasur një të moshuar.
Makina drejtohej nga shoferi i identifikuar me iniciale S. Q., rreth 42 vjeç.
Ndërsa këmbësori me iniciale Gj. G., rreth 75 vjeç, u dërgua në spitalin e Korçës dhe ndodhet nën kujdesin e mjekëve.
Me drejtuesin e mjetit po kryhen veprimet e mëtejshme procedurale.
Paraprakisht dyshohet se shkak i aksidentit është bërë shpejtësia përtej normave të lejuara, mosrespektimi i sinjalistikave ose parakalim i gabuar.
Grupi hetimor po punon për sqarimin e rrethanave të aksidentit.
Discussion about this post