Aksident i rëndë në Milot-Lezhë/ 4 të plagosur, mes tyre një fëmijë 2 vjeç

Një 36-vjeçar është arrestuar nga policia e Lezhës si shkaktar i aksidentit me 5 të plagosur mbrëmjen e djeshme.

Shoferi i identifikuar me iniciale K.B duke drejtuar automjetin e tij, në rrugën interurbane dytësore Milot – Lezhë, konkretisht në vendin e quajtur ” Kryqëzimi i Treshit”, ka humbur kontrollin mbi drejtimin e mjetit dhe është përfshirë në aksident me një mjet tjetër.

Për pasojë ka mbetur edhe vetë i lënduar, drejtuesi i mjetit tjetër dhe pasagjerët e tij përfshirë dhe një fëmijë 2-vjeç, që ndodhen jashtë rrezikut për jetën.