Aksidenti me vdekje në Shkodër, vihet në pranga shoferi

Shoferi i cili ditën e djeshme shkaktoi një aksident me vdekje në Shkodër, është arrestuar sot nga policia.

Bëhet fjalë për personin e identifikuar me iniciale G. B., 47 vjeç, i cili rreth orës 21:20, në aksin rrugor Shkodër-Koplik, në fshatin Shtoj, duke drejtuar automjetin e tij, ka aksidentuar me pasojë vdekjen personin e identifikuar me iniciale Z. B., 31 vjeçe, banuese në fshatin Shtoj i Ri, Shkodër, e cila po lëvizte me biçikletë.

I arrestuari pritet të përballet me akuzën për veprën penale “Shkelja e rregullave të qarkullimit rrugor”.

Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.