Një aksident me pasojë vdekjen e një personi ka ndodhur mëngjesin e sotëm në aksin rrugor Vlorë-Llakatund. Sipas policisë një automjet ka përplasur një motor ku po udhëtonte një i moshuar i moshës 69-vjeçare me iniciale R.H.
Ai është dërguar me urgjencë drejt spitalit por ka ndërruar jetë për shkak të plagëve të rënda që ka marrë. Policia ndodhet në vendngjarje për të zbardhur rrethanat e aksidentit.
“Sot, rreth orës 09:15, në aksin rrugor Vlorë-Llakatund, një automjet tip “Toyota”me drejtuese shtetasen A. M, është përplasur me një motomjet me drejtues shtetasin R. H., 69 vjeç, i cili si pasojë e dëmtimeve të marra, ka ndërruar jetë gjatë transportit për në spitalin e Vlorës. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”, njofton policia.
Discussion about this post