Aksident në autostradën Durrës-Tiranë, makina përfundon mes dy kamionëve

Një tjetër aksident rrugor, ka ndodhur pasditen e sotme në hyrje të autostradës Durrës-Tiranë.

Manovrimi i gabuar në krah të kundërt, konfirmojnë persona prezent në vendngjarje, ka bërë që mjeti i vogël të mbetet mes 2 kamionëve të mëdhenj, shoferët e të cilëve kanë bërë përpjekje për të shmangur rrezikun e jetës së personave që udhëtonin në mjetin e vogël me ngjyrë të bardhë.

Fatmirësisht nga aksidenti raportohet se nuk ka persona të lënduar.

Ndërkohë pritet shkuarja e grupit të policisë në vendngjarje për të hetuar rrethanat e këtij aksidenti.