Një aksident automobilistik ka ndodhur mëngjesin e sotëm në Elbasan, ku dy vajza kanë përfunduar në spital pas përplasjes së fortë mes makinave.
Sipas njoftimit të policisë, ngjarja ndodhi në aksin rrugor Cërrik-Mollas, në fshatin Klos, ku mjeti tip “Volkswagen” me drejtues A. M. është përplasur me mjetin tip “Renault” me drejtues vajzën me iniciale H. M.
Si pasojë e përplasjes është dëmtuar drejtuesja e mjetit tip “Renault”, si dhe pasagjerja me inicialet L. M., të cilat janë dërguar në Spitalin Rajonal Elbasan, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post