Sezoni turistik ka nisur zyrtarisht në mes të majit dhe gjatë këtyre muajve ka pasur disa raste të humbjes së jetës në plazhet shqiptare. Gijotina.com më herët kreu një vëzhgim për kullat e vrojtimit dhe vrojtuesit e plazhit në Durrës, Velipojë, Golem e Divjakë e bregdete të tjera.
Sot, një i ri që ka rrezikuar mbytjen në bregdetin e Spillesë është shpëtuar nga pushuesit. Nuk dihet ende mosha e të riut.
Sipas rregullores për kushtet dhe kriteret e ushtrimit të veprimtarisë së stacionit të plazhit thuhet se “Të gjitha stacionet e plazhit duhet të garantojnë shërbimin me Vrojtues Plazhi, për çdo 80 m vijë lineare bregdetare dhe pajisjen me pika vrojtimi për çdo fraksion 80 m linear”.
Pas vëzhgimit të gijotina.com në Durrës, Golem, Divjakë e Velipojë vumë re se distanca prej 80 m mes pikave të vrojtimit nuk ishte respektuar e po ashtu mungonin edhe rojet bregdetare.
Discussion about this post