“Blutë” e Shkodrës kanë dhënë detaje në lidhje me vrasjen e 19-vjeçarit, Erjon Xhenje mbrëmjen e kësaj të diele. Sipas bluve, krimi ka ndodhur në ambientet e një lokali, në rrethana ende të paqarta.
Ndërkohë në lagjen “Guerrile” është gjetur një motoçikletë e djegur dhe arma e zjarrit pistoletë me të cilën dyshohet se autorët kanë kryer krimin.
Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.
“Rreth orës 20:10, në bulevardin “Bujar Bishanaku”, në lagjen “Naim Gjylbegu”, në një lokal, në rrethana ende të paqarta, është vrarë me armë zjarri shtetasi E. Xh., 19 vjeç, banues në Shkodër.
Shërbimet e Policisë janë vënë në ndjekje të autorëve, të cilët janë larguar me një motoçikletë.
Në lagjen “Guerrile” është gjetur nje motoçikletë duke u djegur dhe një armë zjarri pistoletë, që dyshohet se janë përdorur nga autorët.
Grupi hetimor nën drejtimin e Prokurorisë ndodhet në vendngjarje dhe vijon punën për zbardhjen e rrethanave të ngjarjes dhe identifikimin e autorëve.
Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.”-njofton policia.
Discussion about this post