Një atentat me armë zjarri është shënuar pasditen e sotme në Shkodër. Viktima është identifikuar me emrin Ismet Çekorja.
Ngjarja e rëndë ka ndodhur në lagjen Kiras të këtij qyteti, pranë ish-shkollës veterinare. Ismet Çekorja është babai i Bajram Çekorjas, i cili u shpall në kërkim për atentatin që iu bë 25-vjeçarit Alban Bruçi.
Bajram Çekorja është shpallur në kërkim me 20-vjeçarin Tonato Fushaj si autorë t ë dyshuar të sulmit të armatosur ndaj Alban Bruçit. Ndaj makinës së tij u shkrepën 20 plumba, nga të cilët 19 goditën automjetin tip “Audi”. Në polici, Bruçi tha se nuk i njeh autorët dhe nuk ka dijeni se kush të ketë porositur vrasjen e tij. Por, 24-vjeçari Çekorja rezulton i arrestuar dhe 3 vite më parë. Ai u kap në maj 2019 gjatë një operacioni të RENEA-s dhe FNSH pasi kishte informacione se fshihte në një apartament të marrë me qira në Komunën e Parisit në Tiranën, 33-vjeçarin Barush Bregu. Ky i fundit ishte shpallur në kërkim nga policia për disa vrasje të ndodhura në Shkodër. Jo vetëm kaq, por Bregu rezulton të ketë ndryshuar emrin nga Bajram në Barush në 2012. Ai është dënuar në 2016 me 4 vite burg për trafik të lëndëve narkotike, ndërsa në shtator 2018 u gjet një kallashnikov me gjurmët e gishtërinjve të tij në banesën e Fatbardh Licit, i vrarë në 10 gusht 2018 me 15 plumba. Bregu konsiderohet si ushtar i fisit Lici në Shkodër, rivale me fisin Bajri.
Discussion about this post