Atentati në Vlorë, nis nxjerrja e trupave të viktimave nga makina

Ka nisur nxjerrja e trupave të viktimave nga makina në autostradën në fshatin Panaja të Vlorës.

Makina e është hapur nga autoritetet dhe nga momentin në moment pritet të bëhet nxjerrja e trupave. Dyshohet se brenda mjetit ndodhen tre persona që kanë humbur jetën.

Më herët është raportuar për dy të vrarë dhe një të plagosur, por informacionet e fundit bëjnë me dije se mund të ketë shkuar në tre numri i viktimave.

Sipas policisë, autorët kanë qëlluar me 3 armë zjarri automatike. Ndërkohë, një automjet i braktisur tip “BMË”, pa targa u gjet duke u djegur në fshatin Çerven, në aksin rrugor Levan-Tepelenë dhe dyshohet se u përket autorëve.

Ngjarja ka ndodhur rreth orës 09:50, në dalje të fshatit Panaja, në aksin rrugor Fier-Vlorë.

Ndërsa pista e parë e hetimit është ajo e prishjes së pazareve të drogës nga bandat kriminale.