Autobusi përplas çiklistin në “Rrugën e Dibrës”, dërgohet me urgjencë në spital

Një aksident i rëndë është shënuar pasditen e sotme në Tiranë. Burime bëjnë me dije se ngjarja ka ndodhur në “Rrugën e Dibrës”.

Të njëjtat burime gjithashtu bëjnë me dije se një autobus ka përplasur një çiklist.

Si pasojë ky i fundit është plagosur dhe ndodhet në spital, nën kujdesin e mjekëve.

Policia jep detaje se, autobusi drejtohej nga shoferi i identifikuar me iniciale I. M., i cili ka përplasur çiklistin e identifikuar me iniciale E. C., 39 vjeç.

Nuk dihen ende rrethanat e ngjarjes, ndërsa paraprakisht dyshohet të jetë bërë mosrespektimi i sinjalistikave rrugore ose parakalim i gabuar.

Grupi hetimor ndodhet në vendngjarje dhe po punon për sqarimin e rrethanave të aksidentit.