Një aksident i rëndë është shënuar pasditen e sotme në aksin Elbasan Belsh. Burime nga policia bëjnë me dije se ngjarja ka ndodhur, në fshatin “Kajan”.
Të njëjtat burime gjithashtu bëjnë me dije se mjeti tip “Benz” që drejtohej nga shoferi i identifikuar me iniciale M.K. 28 vjeç, banues në Belsh, është përplasur me një motoçikletë me shoferin e identifikuar me iniciale B. K. 73 vjeç.
Si pasojë është dëmtuar pasagjerja në motoçikletë, e identifikuar me iniciale V. K. 32 vjeçe, e cila është transportuar në spital për ndihmë mjekësore.
Nuk dihen ende shkaqet e aksidentit, ndërsa paraprakisht dyshohet të jetë bërë mosrespektimi i sinjalistikave rrugore, parakalim i gabuar ose shpejtësi përtej normave të lejuara.
Grupi hetimor ndodhet në vendngjarje dhe po kryen veprimet hetimore për zbardhjen e plotë të shkakut të aksidentit.
Discussion about this post