Edhe këtë vit masat e vendosura nga Ministira e Arsmit për kontrolle të mjeteve telefonike në provimet e maturës shtetërore kanë dështuar. Burime bëjnë me dije se në rrjete sociale janë publikuar foto të tezës së anglishtes.
Provimi nisi në orën 10:00 dhe përfundoi në orën 12:30, ndërsa teza është fotografuar në një nga gjimnazet në Durrës. Fotot janë publikuar 40 minuta para përfundimit të tezës.
Sipas rregullave të vendosura nga MAS, nxënësit përpara se të hyjnë në provim duhet të paraqiten në qendrën e testimit, 1 orë e 30 minuta para dhe me mjet identifikues me vete si dhe mjetet shkollore të nevojshme. Gjithsej ishin 60 pyetje për tu plotësuar dhe për të kaluar, një nxënës duhet të marrë minimumi 25% të pikëve, pra mbi 15 pikë. Mjediset do të jenë në dispozicion për 150 nxënës, si dhe distanca mes nxënësve do jetë 120 cm.
Ndërkohë, nëse maturanti kapet me telefon, apo shkelje të tjera penalizohet nga provimi dhe e jep atë sërish në shtator. Duket se ky rregull ka kaluar pa u vënë re.
Veç gjuhës së huaj që u zhvillua sot, maturantët kanë provimin e Gjuhën shqipe dhe Letërsinë me 11 qershor, matematikën me 17 qershor, dhe 24 qershor lëndën me zgjedhje.
Discussion about this post