E RËNDË, makina përplas për vdekje 2-vjeçarin

Një ngjarje e rëndë ka ndodhur këtë mbrëmje në Fushë Kuqe.

Një makinë mësohet se ka përplasur për vdekje një vogëlush vetëm 2 vjeç.

Vogëlushi ka qenë duke luajtur buzë rrugës, kur është përplasur nga mjeti.

Edhe pse i vogli është dërguar me urgjencë në spital, nuk ka mundur t’ju mbijetojë plagëve që ka marrë nga përplasja.

Bëhet me dije se aksidenti ka ndodhur te Kryqëzimi i Fushë Kuqes.

Në aksident janë përfshirë dy makina, ndërsa të lënduar kanë mbetur edhe persona të tjerë.

Njoftimi i policisë:

Kurbin/Informacion paraprak

Rreth orës 18:00, në aksin rrugor dytësor Laç-Fushe Kuqe, në vendin e quajtur ” Kryqëzimi i Fushe Kuqes”, janë përplasur automjeti me drejtues shtetasin E. T. me automjetin me drejtues shtetasin A. R.

Për pasojë janë dëmtuar drejtuesi A. R. dhe pasagjeria I. R. të cilët janë dërguar në spital për ndihmë mjekësore, si dhe ka ndërruar jetë fëmija i mitur 2 vjeç.

Grupi hetimor vazhdon veprimet në vendngjarje për zbardhjen e plotë të rrethanave të aksidentit.