E zuri makineria, vdes punëtori i pastrimit të plehrave brenda kampit të muhaxhedinëve

Një ngjarje tragjike është shënuar të shtunën, brenda kampit të muhaxhedinëve në Manëz. Mësohet se punonjësi i pastrimit të plehrave, i identifikuar si Shaban Teni, 64 vjeç ka ndërruar jetë tragjikisht.

Ngjarja ka ndodhur ditën e shtunë ndërsa Shaban Teni 64 vjeç ka përfunduar brenda makinerisë së plehrave i copëtuar.

Burime nga familja thanë se Teni prind i katër fëmijëve punonte shofer me makinën  e pastrimit në Sukth Manëz. Gjatë kohës që gjendej brenda kampit të muhaxheidinëve është bllokuar makineria e shkarkimit të plehrave.

Ai ka shkuar ta vajisë dhe gjatë punës dikush ka lëvizur levën çka ka bërë qe 64 vjeçari të tërhiqet nga makineria te përfundoje ne plehra i pa jetë.

Ndërkohë ende nuk ka një njoftim nga policia për këtë ngjarje të rëndë.