Një ngjarje e rëndë është regjistruar në Milot, ku një person është gjetur i pajetë. Sipas njoftimit të policisë, ngjarja ka ndodhur rreth orës 11:30, në aksin rrugor Milot-Kryqëzim i Arbërisë, ku është gjetur nga kalimtarët, pa shenja jete Zef Keci, 68 vjeç, banues në Rrëshen.
Nga veprimet hetimore paraprake të kryera, dyshohet që viktima të jetë aksidentuar nga një mjet në lëvizje, ku shoferi është larguar pa ndihmuar viktimën.
Në vendin e ngjarjes, janë gjetur dhe sekuestruar në cilësinë e provës materiale, pjesë të mjetit që dyshohet që e ka aksidentuar. Grupi hetimor në vendngjarje vazhdon hetimet për identifikimin dhe kapjen e drejtuesit.
Discussion about this post