E fundit/ Gjendet një trup i dekompozuar në lumin Seman

Një trup i dekompozuar është gjetur në brigjet e lumit Seman në fshatin Arapaj në Roskovec.

Mësohet se trupi i seksit mashkull është gjetur në orët e vona të së enjtes nga dy peshkatarë. Peshkatarët të cilët kanë pikasur kufomën kanë njoftuar policinë.

Këta të fundit kanë kërkuar ndihmën e repartit zjarrfikës Roskovec që kanë bërë të mundur edhe nxjerrjen e trupit nga uji.

Trupi i përket një mashkulli, në moshë të re, por ende është i vështirë identifikimi.  Nga ana e policisë po punohet për zbardhjen e plotë të rrethanave të ngjarjes.