Gjykata e Kurbinit ka vendosur sot masën e sigurisë “Arrest me burg” për agjentin e Forcave Operacionale të Lezhës, Jeton Lami. Lami do duhet të qëndrojë në qeli deri në përfundim të hetimeve për akuzat që rëndojnë ndaj tij, në lidhje me ndihmën që dyshohet se i ka dhënë Ervis Martinajt për t’u arratisur.
Ervis Martinaj është ndihmuar të arratiset nga efektivi i Policisë, Jeton Lami, pas dëshmisë që ka dhënë në SPAK i penduari i drejtësisë Nuredin Dumani. Dumani ka treguar se Ervis Martinaj ishte gati ta paguante 500 mijë euro për të vrarë Indrit Doklen.
Aktualisht, Martinaj është në kërkim pasi sipas dëshmisë së të penduarit të drejtësisë Nuredin Dumani kishte urdhëruar vrasjen e ish-anëtarit të bandës së Durrësit, Endrit Dokles, atentat që nuk u realizua kurrë. Mirëpo, familja e Martinajt ka denoncuar humbjen e kontakteve me të shumëkërkuarin. Në denoncim, xhaxhai i Martinajt pretendon se nuk ka asnjë kontakt me nipin e tij, por një mik nga Puka e kishte njoftuar se nuk e kishin parë prej ditësh.
Discussion about this post