Deputetja e Partisë Demokratike, Grida Duma ka vendosur të dorëhiqet nga funksioni që ka si nënkryetare në parti pas përplasjeve me kreun e PD Lulzim Bashës dhe privatizimit që ky i fundit i ka bërë selisë blu.
Duma shkruan në Facebook se Basha po përdor dështimet e PD në favor të tij, ndërsa shton se ndonëse shumica e deputetëve i kanë kërkuar të mbajë përgjegjësi për humbjen në zgjedhjet e 6 marsit, ky i fundit ka kundërshtuar.
“Partia Demokratike e Shqipërisë është në ditët më të vështira, traumat e humbjeve të njëpasnjëshme nuk po rikuperohen sepse Lulzim Basha i përdor dhe negocion që dështimet e Partisë Demokratike t’i kthehen në fitime të tij. Pasi shumica e grupit parlamentar i kërkoi me maturi politike të ndërmarrë akte të përgjegjshme dhe të kapë dorëheqjen, Lulzim Basha përdori një pakicë të zhgënjyerish për të goditur deputetët, më të votuarit dhe më përfaqësuesit e Partisë Demokratike. Fakti që Lulzim Basha nuk largohet edhe pasi shumica e grupit parlamentar i kërkoi dorëheqjen na kërkon të gjithëve vendimarrje për shpëtimin e demokratëve të sakrifikuar një dekadë. Megjithëse personalisht nuk kam asnjë përgjegjësi në vendimmarrje dhe ia kam shkruar e lënë të dokumentuara vendimet e dëmshme sot deklaroj që jap dorëheqjen si Nën/Kryetare e Partisë Demokratike, duke qenë ky vetëm një prej vendimeve të domsdoshme për demokratët. Partia Demokratike nuk mund të jetë humbëse se duhet që dështaku të fitojë e përfitojë”, shkruan Duma.
Më herët, edhe Agron Gjekmarkaj dhe Flutura Açka dhanë dorëheqjen nga funksionet që kishin në parti pas përplasjeve me Bashën.
Discussion about this post