Një nga sistemet më të rëndësishme të policisë i quajtur “MEMEX” ka rënë pre e hakerëve iranianë, në të cilin janë listuar të gjithë të kërkuarit dhe personat e përfshirë në veprimtari të ndryshme kriminale nga Policia e Shqipërisë.
Mes mijërave fotove me të dhëna gjendet edhe emri dhe fotoja e Ervis Martinajt, si edhe të dhënat e tij, si datëlindja, vendi i lindjes, atësia dhe gjendja civile.
Siç duket edhe ne foto, policia ka një imazh tepër të vjetër të Martinajt, ku ai shihet se ka qenë rreth moshës 24-25 vjeç. Duket se fotoja është e të paktën 15 viteve më parë, ndërsa nisur edhe nga fotot e publikuara së fundmi, duket se ndryshimi është i dukshëm.
Në dosjen e publikuar nga hakerat iranianë gjenden gati 100 mijë persona të skeduar nga policia dhe tashmë ajo është publike në rrjetet sociale dhe kushdo mund të ketë akses.
Discussion about this post