E rëndë/ Humb jetën i mituri në Vaun e Dejës, ra në kontakt me energjinë elektrike

Një ngjarje e rëndë është shënuar ditën e sotme në Vaun e Dejës. Burime nga policia bëjnë me dije se një 14- vjeçar ka humbur jetën në banesën e tij.

Ngjarja ka ndodhur rreth orës 14:45, në fshatin Barbullush. I mitur E. A., 14 vjeç, dyshohet se ka rënë në kontakt me rrymën elektrike në banesën e tij dhe për pasojë ka humbur jetën.

Nuk dihet ende nëse ngjarja ka ndodhur në praninë e prindërve të të miturit, të cilët pritet të pyeten nga policia për të zbuluar rrethanat e ngjarjes.

Po ashtu pritet ekspertiza mjekoligjore për të zbardhur shkakun e vdekjes.  Grupi hetimor vijon punën për sqarimin e rrethanave të kësaj ngjarjeje.