E fundit/ Humb kontrollin, ruli përplaset me një makinë

Një aksident ka ndodhur pak më parë në Sarandë ku një nga mjetet që shërben për shtrimin e asfaltit në aksin e ri “Lagjia nr.1 Lëkurës – Kanali i Cukës” ka humbur kontrollin.

Konkretisht një rul, me shpejtësi është lëshuar në një dishezë duke goditur një automjet në ecje në aksin “Turizëm – Kanali i Cukës”.

Goditja ka qenë e fortë dhe mjeti jo vetëm është dëmtuar por është kthyer në mes të rrugës.

Fatmirësisht mësohet së nuk ka persona të plagosur. Policia e Sarandës ndodhet në vendngjarje dhe po kryen veprimet e para hetimore.