Aksident tragjik/ Humbi kontrollin e motorit, vdes 62-vjeçari në Sarandë

Një aksident i rëndë është shënuar pasditen e sotme në Sarandë. Burime nga policia bëjnë me dije se ngjarja ka ndodhur rreth orës 17:45, në fshatin Plal, Metoq.

Të njëjtat burime bëjnë me dije se personi i identifikuar me iniciale K. T., 62 vjeç, duke drejtuar motomjetin, dyshohet se ka humbur kontrollin dhe ka dalë nga rruga, ku si pasojë ka ndërruar jetë.

Dyshohet se shkak është bërë shpejtësia përtej normave të lejuara dhe mosrespektimi i sinjalistikave rrugore.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.