I dënuar për vrasjen e Naim Zyberit, Arben Grori kërkon lirinë në Itali

I dënuari për vrasjen e Naim Zyberit në Itali, Arben Grori ka kërkuar lirimin nga burgu. Mësohet se Grori ka depozituar kërkesën në Gjykatë.

Por, sot, në ditën kur dhe do të zhvillohej seanca për rishikimin e vendimit, avokatët e Grorit kanë munguar, për shkak të bojkotit për Reformën e re Gjyqësore.

Për pasojë, Gjykata e ka rrëzuar kërkesën e Grorit. Arben Grori është dënuar me burg të përjetshëm për vrasjen e Naim Zyberit në vitin 1999. Ngjarja ndodhi në një spital në Itali. Grori e vrau Zyberin për të marrë hakun e vrasjes së vëllait.