E rëndë në Sarandë/ I mituri rrëzohet nga kati i dytë i banesës, niset drejt Traumës

Një ngjarje e rëndë është shënuar pasditen e sotme në Sarandë. Burime nga policia bëjnë me dije se një  i mitur është transportuar tek Trauma me urgjencë.

Të njëjtat burime gjithashtu bëjnë me dije se fëmija 4 vjeç është rrëzuar aksidentalisht nga kati i dytë i banesës, në fshatin Berdenesh të Sarandës.

Ngjarja ka ndodhur rreth orës 15:20 të ditës së sotme.

Nuk dihet ende nëse ngjarja ka ndodhur në prani të familjarëve dhe prindërve të të miturit. Pritet të zbardhen detaje pas marrjes në pyetje të dëshmitarëve të ngjarjes.

Sakaq theksojmë sërish se fëmija do të dërgohet në Spitalin e Traumës, në Tiranë, për ndihmë mjekësore më të specializuar.

Pritet të zbardhen detaje për gjendjen e tij shëndetësore.