Një ngjarje e rëndë është shënuar pasditen e sotme në Elbasan. Një i moshuar që ishte larguar nga shtëpia një ditë më parë, është gjendur sot i mbytur në lumin Shkumbin, në fshatin Mjekës.
Trupi i viktimës me iniciale T. T., banues në Elbasan është gjendur nga polumbarët e Renea-s.
Policia jep detaje se kishte humbur gjurmët një ditë më parë pasi ishte larguar nga banesa, ndërsa sot u gjend i pajetë në bregun e lumit Shkumbin.
Nuk dihet ende nëse i moshuari vuante nga probleme të shëndetit mendor, pritet të zbardhen detaje pas ekspertizës mjekoligjore dhe marrjes në pyetje të familjarëve të tij.
Grupi hetimor po punon për dokumentimin e plotë të rrethanave të ngjarjes.
Discussion about this post