E rëndë/ I riu i futet në banesë 53-vjeçares në Durrës, e përdhunon dhe i vjedh lekët

Një ngjarje e rëndë ka ndodhur në Durrës, ku një 28 vjeçar me inicialet K. K. ka hyrë në banesën  e një 53-vjeçareje, ku ka abuzuar seksualisht me të dhe i ka grabitur banesën.

Sipas njoftimit zyrtar, është arrestuar K., 28 vjeç, banues në lagjen Nr.18 Durrës, pasi dyshohet se ka përdhunuar dhe më pas ka vjedhur një grua, identiteti i së cilës nuk është bërë i ditur.

“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin K. K., 28 vjeç, banues në lagjen Nr.18 Durrës, pasi dyshohet se ka kryer marrëdhënie seksuale me dhunë me një shtetase 53 vjeçe, banuese në lagjen Nr.9, Durrës, të cilës i ka thyer derën e banesës dhe i ka vjedhur gjithashtu edhe një shumë parash”, njofton policia.