Njësia Task Force ka sekuestruar një sasi droge të llojit kokainë në portin detar të Durrësit. Droga është gjendur në hambarin e anijes Unistream me flamur të Antigua Barbuda.
Anija u ankorua me datë 16 maj në pjesën lindore të portit detar të Durrësit. Ajo ka transportuar qymyr me destinacion portin e Durrësit.
Ndaj të gdhirë në bordin e anijes është gjendur njësia task force e cila ka qenë e sinjalizuar nga partnerët ndërkombëtarë për ekzistencën e drogës në hambarët e anijes. Nga kontrolli ka rezultuar se një sasi droge e ambalazhuar gjendej në hambarët e anijes.
Puna po vazhdon dhe ende droga nuk është peshuar.
Discussion about this post