Apeli i GJKKO refuzon rekursin e ish-Ministrit të Mjedisit Lefter Koka për heqjen e sekuestros nga 4 prona, si pjesë e hetimit pasuror që po kryhet ndaj tij.
“Mospranimin e rekursit të paraqitur nga kërkuesi Lefter Koka, kundër vendimit të Gjykatës së Apelit për Korrupsionin dhe Krimin e Organizuar“, thuhet në njoftim.
Me anë të rekursit të firmosur nga vetë Koka, ai i kërkon Gjykatës së Lartë të lirojë nga sekuestro kantinën në Rashbull të Durrësit, ku rezulton pronar me 88% të aksioneve.
Ky biznes u vu në sekuestro në përfundim të hetimeve paraprake për inceneratorin e Elbasanit dhe dy shkallët e gjyqësorit kanë rrëzuar kërkesën e Lefter Kokës. Ndërkohë pas hetimeve për rastin e Fierit, ish-ministrit iu vunë në sekuestro 4 prona, si pjesë e hetimit pasuror që po kryhet ndaj tij.
Koka u arrestua nëntorin e kaluar, me akuzën e korrupsionit dhe pastrimit të parave me dyshimin se ka marrë ryshfet 3.7 milionë euro për ndërtimin e inceneratorit të Fierit.
Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.
Hetimet e kryera për ish-ministrin Koka
Prokuroria e Posaçme arrestoi pak javë më parë ish-ministrin e Mjedisit, Lefter Koka për dosjen e shumëpërfolur politikisht, atë të inceneratorit në Elbasan. SPAK nënvizoi pak se në hetimet e kryera objekti ka qenë procedura e ndjekur për lidhjen e kontratës së koncensionit me objekt ndërtimin e inceneratorit të Elbasanit, kontratë e lidhur midis Ministrisë së Mjedisit dhe shoqëritë tregtare “Albtek Energy” sh.p.k. Në njoftimin e SPAK bëhet me dije se nga hetimet e kryera është provuar se në procedurën e dhënies së koncesionit dhe në lidhjen e kontratës me nuk janë kryer të plota veprimet përgatitore për dhënien e koncesionit dhe janë shkelur rregullat për prokurorimin publik. Gjithashtu sipas SPAK nuk është zbatuar procedura e rregullt ligjore lidhur me llojin e procedurës që është përdorur për dhënien e koncesionit. Procedura e ndjekur për dhënien e koncesionit “me negocim, pa shpallje paraprake të njoftimit”, nuk është një nga procedurat e parashikuara në nenin 22 të ligjit nr.125/2013, ku parashikohet se për dhënien e koncesionit munden të përdoren vetëm një nga tre procedurat: i) procedura e hapur; ii) procedura e kufizuar; ose iii) procedura me negocim, me shpallje paraprake të njoftimit të kontratës. Anëtarët e Komisionit për dhënien e koncensionit në bashkëpunim me ministrin Lefter Koka akuzohen se nuk kanë përmbushur në mënyrë të rregullt detyrën, duke bërë që kompania ‘Albtek Energy’ të përfitojë në mënyrë të padrejtë koncesion, në kundërshtim me ligjin. Sipas SPAK ministri i Mjedisit në cilësinë e titullarit të autoritetit kontraktor, ka qenë personi përgjegjës për prokurimin e fondeve publike, ka qenë personi përgjegjës për organizimin dhe realizimin në përputhje me ligjin të procedurës së koncesionit”.
Discussion about this post