Lirohet nga qelia Ramazan Rraja! Lajmin e ka bërë me dije gazetari investigativ Artan Hoxha ka bërë me dije se Ramazan Rraja është liruar nga qelia me vendim të gjykatës belge një ditë më parë.
“Dje gjykata belge ka vendosur që Ramazan Rraja nuk është pjesë e këtij grupi. Nga arrest me burg është lënë në detyrim paraqitje. Është liruar dje nga gjykata në Bruksel. Nuk janë gjetur prova që ky është pjesë e këtij grupi kriminal. Në Belgjikë kjo është çështje në hetim. Një shtetas lituanez është vrarë me porosi të mafies ruse. Ne marrim një rast atje dhe e përdorim në Shqipëri,”– deklaroi Artan Hoxha në studion e ABC.
Ky i fundit u arrestua në Belgjikë së bashku me kushëririn e tij, Fioralb Rraja, si pjesë e një grupi që trafikonte kokainë nga Ekuadori drejt Gjermanisë përmes konteinerëve me banane. Hetimi kishte nisur në vitin 2017, përmes gjurmimit nga Policia Gjermane të kutive me banane.
Ngarkesat me drogë që futeshin në kuti bananesh, niseshin nga Ekuadori dhe zbarkonin në portin e Hamburgut. Kutitë shpërndaheshin në magazina, ku shkonin shqiptarët dhe merrnin kokainën. Pasi zbulimit të skemës, Policia arrestoi 14 persona dhe ata dolën në gjyq për trafikun e të paktën 1.2 ton kokainë. Pjesë e tyre ishin dhe nipat famozë të deputetit Rrahman Rraja.
