Një aksident i rëndë është shënuar pasditen e sotme në autostradën Durrës-Tiranë. Burime nga policia bëjnë me dije se ngjarja ka ndodhur në Vorë.
Të njëjtat burime gjithashtu bëjnë me dije se është përplasur një makinë dhe një motor.
Makina drejtohej nga shoferi i identifikuar me iniciale A. S., 48 vjeç, dhe është përplasur me motorin që drejtohej nga personi i identifikuar me iniciale J. M., 30 vjeç.
Si pasojë e aksidentit janë dëmtuar drejtuesi i motorit dhe pasagjeri i tij i identifikuar me iniciale R. Ç., të cilët ndodhen në spital, nën kujdesin e mjekëve, jashtë rrezikut për jetën.
Paraprakisht dyshohet se shkak i aksidentit është mosrespektimi i sinjalistikave rrugore, manovrat e shpejtësisë ose parakalim i gabuar.
Pritet të zbardhen detaje pas hetimeve në vendin e ngjarjes nga ana e grupit hetimor.
Gijotina.com raporton se bilanci i aksidenteve rrugore vijon të rritet, e për pasojë rritet edhe numri i të plagosurve dhe viktimave.
Discussion about this post