Një operacion blic është zhvilluar sot në Durrës, ku janë arrestuar 15 persona. Ata dyshohen se janë përfshirë te masakra e Don Boskos, ku u vra Erion Çela. Po ashtu mbetën të plagosur 4 persona. Ngjarja e rëndë ka ndodhur këtë vit.
Burime bëjnë me dije se të arrestuarit funksiononin si grup kriminal. Ata dyshohet se kanë porositur dhe organizuar ekzekutimin e Erion Çelës.
Te masakra e “Don Boskos” mbetën të plagosur Arben Dani 46 vjeç, Azbi Selimaj, 19 vjeç, Blerim Çela, 28 vjeç ( vëllai i viktimës) dhe Edmond Crroj 41 vjeç.
Si ndodhi ngjarja?
Erion Çela u ekzekutua më 4 janar të 2022, teksa ishte ulur në tavolinë me 4 persona të tjerë mes tyre dajën, të vëllanë, kamarierin.
Çela ishte pronari i një tabakinoje që ndodhej afër lokalit ku ndodhi vrasja dhe që shpesh e frekuentonte.
Autorët të cilët kanë qenë duke lëvizur me një makinë kanë qëlluar me rreth 20 plumba drejt Çelës. Nga të shtënat e lanë të vdekur Çelën. Ndërsa të plagosur kanë mbetur edhe 4 persona të tjerë.
Nga hetimet e kryera deri më sot, dyshohet se objektiv i atentatit ka qenë daja, Edmond Crroj, i njohur dhe me emrin Adriatik i cili në Itali ka pasur procedim penal.
Pas atentatit, makina e autorëve ka marrë kthesën dhe është larguar në drejtim të spitalit ushtarak për të dalë jashtë Tiranës.
Discussion about this post